മംഗളാശംസകള്‍

പുതിയ ഒരു ജീവിതത്തിലേക്ക് കാലെടുത്തു വയ്ക്കുന്ന പ്രിയ സുഹൃത്തുക്കള്‍ക്ക് ഒരായിരം മംഗളാശംസകള്‍. ഇനിയുള്ള ഓരോ ദിവസവും കഴിഞ്ഞ ദിവസത്തെക്കാള്‍ മനോഹരമായിരിക്കട്ടെ..

സമാന്തരങ്ങൾ

ജീവിതത്തിന്റെ പാത എത്ര പിന്നിട്ടാലും എന്റെ അരികിൽ കൈയ്യത്തും ദൂരത്ത് നീയുണ്ടാവും...
തമ്മിലുള്ള അകലത്തിനു സ്നേഹമെന്ന പേരു കൊടുത്ത് ആ സ്നേഹത്തെ നെഞ്ചോട് ചേർത്ത് പിടിച്ച് നടക്കാം കൂട്ടുകാരാ ഇനിയും ഒത്തിരി ദൂരം....

പുകയുന്ന ജീവിതം

മുമ്പിൽ ഭക്ഷണം വെച്ചിട്ടും സ്വന്തം വിശപ്പിന്റെ വിളി കേൾക്കാൻ കഴിയാത്തവർക്ക് വേണ്ടി....

മൊളകാ

അസ്തമയത്തിന്റെ ചെഞ്ചായം പൂശി നിൽക്കുന്ന ആകാശം..

സൂര്യതാപമേറ്റ് കിടന്ന കരയെ തണുപ്പിക്കാൻ വീശുന്ന കടൽക്കാറ്റ്...

ജീവിതത്തിന്റെ അർത്ഥങ്ങളും അർത്ഥവ്യത്യാസങ്ങളും പങ്കു വെക്കാൻ കൂടെ ഒരു കൂട്ടുകാരൻ..

നാവിനു ചെറിയ എരിവിന്റെ രസമേകാൻ കൈയ്യിൽ ഒരു പ്ലേറ്റ് മൊളകാബജ്ജി...

ഒരു മനോഹര സായാഹ്നത്തിന്റെ ഓർമ്മകൾ...

കരയിലേക്ക് ഒരു കടൽ ദൂരം

“ഞാനും നീയുമെന്ന തീരങ്ങൾക്കിടയിൽ ആർത്തിരമ്പുന്ന ഒരു കടലുണ്ട്..... എന്റെ ഞാനെന്ന ഭാ‍വം..” - ഒരേ കടൽ.